।। देवीवाहन (सिंह) ध्यानम् ।।
ग्रीवायां मधू सूदनोऽस्य शिरसि श्री नीलकण्ठः स्थितः,
श्री देवी गिरिजा ललाट फलके वक्षः स्थले शारदा ।
षड्वक्त्रो मणिबन्ध संधिषु तथा नागास्तु पार्श्वस्थिताः,
कर्णौयस्य तु चाश्विनौ स भगवान-सिंहो ममास्त्विष्टदः ।।१

यन्नेत्रे शशि भास्करौ वसुकुलं दन्तेषु यस्य स्थितम्,
जिह्वायां वरुणस्तु हुं कृतिरयं श्रीचर्चिका चण्डिका ।
गण्डौ यक्ष यमौ तथौष्ठ युगलं सन्ध्याद्वयं पृष्ठके,
वज्रोयस्य विराजते स भगवान-सिंहो ममास्त्विष्टदः ।।२
ग्रीवा सन्धिषु सप्तविंशति मितानृयक्षाणि साध्या हृदि,
प्रौढा निर्धृणता तमोऽस्य तु महाक्रौर्यैसमा पूतनाः ।
प्राणेयस्य तु मातरः पितृकुलं यस्यास्त्य पानात्मकं,
रुपे श्री कमला कचेषु विमलास्ते कैयूरे रश्मयः ।।३
मेरुः स्याद्-वृषर्णेब्धयस्तु जनने स्वेद स्थिता निम्नगाः,
लाङ्गूले सहदेवतैर्विलसिता वेदा बलं वीर्यकम् ।
श्रीविष्णोः सकला सुरा अपि यथा स्थानं स्थितायस्तु,
श्री सिंहोऽखिल देवतामय वपुर्देवी प्रियः पातु नाम् ।।४
यो बालग्रह पूतनादि भय हृद्यः पुत्र लक्ष्मी प्रदोयः,
स्वप्न ज्वर रोगराजभय हृद्योऽमङ्गले मङ्गलः ।
सर्वत्रोत्तम वर्णनेषु कविभिर्यस्योपमा दीयते,
देव्या वाहनमशेष रोगभयहृत् सिंहो ममास्त्विष्टदः ।।५
सिंहस्त्वं हरिरुपोऽसि स्वयं विष्णुर्न संशयः ।
पार्वत्या वाहनस्त्वं ह्यतः पूजयामि त्वामहम् ।।६

Please follow and like us: