॥ श्रीकृष्णाष्टोत्तरशतनामस्तोत्रम् ॥
॥ श्रीगणेशाय नमः ॥
विनियोगः- “ॐ अस्य श्रीकृष्णाष्टोत्तरशतनामस्तोत्रस्य श्रीशेष ऋषिः, अनुष्टुप्-छन्दः, श्रीकृष्णो देवता, श्रीकृष्णप्रीत्यर्थे श्रीकृष्णाष्टोत्तरशतनामजपे विनियोगः ॥”

॥ पूर्व-पीठिका ॥
॥ श्रीशेष उवाच ॥

वसुंधरे वरारोहे जनानामस्ति मुक्तिदम् ॥ 1 ॥
सर्वमङ्गलमूर्द्धन्यमणिमाद्यष्टसिद्धिदम् ।
महापातककोटिघ्न सर्वतीर्थफलप्रदम् ॥ 2 ॥
समस्तजपयज्ञानां फलदं पापनाशनम् ।
शृणु देवि प्रवक्ष्यामि नाम्नामष्टोतरं शतम् ॥ 3 ॥
महस्रनाम्नां पुण्यानां त्रिरावृत्त्या तु यत्फलम् ।
एकावृत्त्या तु कृष्णस्य नामैकं तत्प्रयच्छति ॥ 4 ॥
तस्मात्पुण्यतरं चैतत्स्तोत्रं पातकनाशनम् ।
नाम्नामष्टोत्तरशतस्याहमेव ऋषिः प्रिये ॥ 5 ॥
छन्दोऽनुष्टुब्देवता तु योगः कृष्णप्रियावहः ।

॥ मूल-पाठ ॥

श्रीकृष्णः कमलानाथो वासुदेवः सनातनः ॥ 6 ॥
वसुदेवात्मजः पुण्यो लीलामानुषविग्रहः ।
श्रीवत्सकौस्तभधरो यशोदावत्सलो हरिः ॥ 7 ॥
चतुर्भुजात्तचक्रासिगदाशङ्खाद्युदायुधः ।
देवकीनन्दनः श्रीशो नन्दगोपप्रियात्मजः ॥ 8 ॥
यमुनावेगसंहारी बलभद्रप्रियानुजः ।
पूतनाजीवितहरः शकटासुरभञ्जनः ॥ 9 ॥
नन्दप्रजजनानन्दी सच्चिदानन्दविग्रहः ।
नवनीतविलिप्ताङ्गो नवनीतनटोऽनघः ॥ 10 ॥
नवनीतलवाहारी (नवनीतनवाहारो) मुचुकुन्द-प्रसादकृत् (प्रसादकः) ।
षोडशस्त्रीसहस्रेशस्त्रिभङ्गी मधुराकृतिः ॥ 11 ॥
शुकवागमृताब्धीन्दुर्गोविन्दो गोविदां (योगिनां) पतिः ।
वत्सपालनसंचारी (वत्सवाटचरोऽनन्तो) धेनुकासुर-मर्द्दनः (-भञ्जनः) ॥ 12 ॥
तृणीकृततृणावर्त्तो यमलार्जुनभञ्जनः ।
उत्तालतालभेत्ता च तमालश्यामला कृतिः ॥ 13 ॥
गोपगोपीश्वरो योगी सूर्यकोटिसमप्रभः ।
इलापतिः परञ्ज्योतिर्यादवेन्द्रो यदूद्वहः ॥ 14 ॥
वनमाली पीतवासाः पारिजातापहरकः ।
गोवर्द्धनाचलोद्धर्त्ता गोपालः सर्वपालकः ॥ 15 ॥
अजो निरञ्जनः कामजनकः कञ्जलोचनः ।
मधुहा मथुरानाथो द्वारका-नाथको(नायको) बली ॥ 16 ॥
वृन्दावनान्तसंचारी तुलसीदामभूषणः ।
स्यमन्तकमणेर्हर्त्ता नरनारायणात्मकः ॥ 17 ॥
कुब्जा-कृष्टांबर(कृष्णाम्बर)-धरो मायी परमपूरुषः ।
मुष्टिकासुरचाणूरमल्लयुद्धविशारदः ॥ 18 ॥
संसारवैरी कंसारिर्मुरारिर्नरकान्तकः ।
अनादि ब्रह्मचारी च कृष्णाव्यसनकर्षकः ॥ 19 ॥
शिशुपालशिरस्छेत्ता दुर्योधन-कुलान्तकृत (कुलान्तकः)।
विदुराक्रूरवरदो विश्वरूपप्रदर्शकः ॥ 20 ॥
सत्यवाक्सत्यसंकल्पः सत्यभामारतो जयी ।
सुभद्रापूर्वजो विष्णुर्भीष्ममुक्तिप्रदायकः ॥ 21 ॥
जगद्गुरुर्जगन्नाथो वेणुवाद्य (वेणुनाद) विशारदः ।
वृषभासुरविध्वंसी बाणासुरकरान्तकः(बकारिर्बाणबाहुकृत्) ॥ 22 ॥
युधिष्टिरप्रतिष्ठाता बर्हिबर्हावतंसकः ।
पार्थसारथिरव्यक्तो गीतामृतमहोदधिः ॥ 23 ॥
कालीयफणिमाणिक्यरञ्जितः श्रीपदांबुजः ।
दामोदरो यज्ञभोक्ता दानवैन्द्र-विनाशनः ॥ 24 ॥
नारायणः परं ब्रह्म पन्नगाशनवाहनः ।
जलक्रीडासमासक्तो गोपीवस्त्रापहारकः ॥ 25 ॥
पुण्यश्लोकस्तीर्थपादो वेदवेद्यो दयानिधिः ।
सर्वतीर्थात्मकः सर्वग्रहरूपी परात्परः ॥ 26 ॥

॥ फल-श्रुति ॥

इत्येवं कृष्णदेवस्य नाम्नामष्टोत्तरं शतम् ।
कृष्णोन कृष्णभक्तेन श्रुत्वा गीतामृतं पुरा ॥ 27 ॥
स्तोत्रं कृष्णप्रियकरं कृतं तस्मान्मया श्रुतम् ।
कृष्णप्रेमामृतं नाम परमानन्ददायकम् ॥ 28 ॥
अत्युपद्रवदुःखघ्नं परमायुष्य वर्द्धनम् ।
दानं व्रतं तपस्तीर्थं यत्कृतं त्विह जन्मनि ॥ 29 ॥
पठतां शृण्वतां चैव कोटिकोटिगुणं भवेत् ।
पुत्रप्रदमपुत्राणामगती नां गतिप्रदम् ॥ 30 ॥
धनवाहं दरिद्राणां जयेच्छूनां जयावहम् ।
शिशूनां गोकुलानां च पुष्टिदं पुण्यवर्द्धनम् ॥ 31 ॥
बालरोगग्रहादीनां शमनं शान्तिकारकम् ।
अन्ते कृष्णस्मरणदं भवतापत्रयापहम् ॥ 32 ॥
असिद्धसाधकं भद्रे जपादिकरमात्मनाम् ।
कृष्णाय यादवेन्द्राय ज्ञानमुद्राय योगिने ॥ 33 ॥
नाथाय रुक्मिणीशाय नमो वेदान्तवेदिने ।
इमं मन्त्रं महादेवि जपन्नेव दिवा निशम् ॥ 34 ॥
सर्वग्रहानुग्रहभाक्सर्वप्रियतमो भवेत् ।
पुत्रपौत्रैः परिवृतः सर्वसिद्धिसमृद्धिमान् ॥ 35 ॥
निषेव्य भोगानन्तेऽपिकृष्णासायुज्यमाप्नुयात् ।

॥ इति ब्रह्माण्डपुराणम्, मध्यभागः, अध्यायः ३६ श्लो॰ १६-५१ सम्पूर्णम् ॥

विशेषः- यह स्तोत्र कुछ ग्रन्थों में पद्म पुराण, उत्तरखण्ड का बतलाया गया है तथा कुछ में नारद-पाञ्चरात्र का