|| श्री नाथस्तोत्र राजः ||
नमोऽहं कलये हंसो, हंसोऽहं कलयेऽन्वहम्।
नमोऽहं कलये हंसो, हंसोऽहं कलयऽन्वहम् ॥1॥
अनन्यमानसो हंसो, मानसं पदमाश्रितः।
अनन्यमानसो हंसो, मानसं पदमाश्रितः ॥ 2 ॥
रक्षा मा दक्ष गोरक्ष ! क्षरमोक्षद माऽक्षर।
जयकाम महाराज, जराहा मम कायज ॥ 3 ॥
घनसारद नाथाय, यथा नाद रसा नघ।
ते स्तुमो नरधामारे, हेमाधार ! नमोऽस्तुते ॥ 4 ॥
विभु संमत नादो वा, वादो ना तमसं भुवि।
ते स्तुमो नयवादेशं , शं देवाय नमोऽस्तुते ॥ 5 ॥
नवपारद सायामा, मायासादर पावन।
ते स्तुमो नवमीनार्या, र्यानामीव नमोऽस्तुते ॥ 6 ॥
वन जानि वश वेशा, शावेशा वनिजा नव।
कायिना नुत शं खेन, नशे शं तनु नायिका ॥ 7॥
किं न हीन जरं देवं, बंदे रंजन हीन किम्।
दाससारस मा सेवा, वासे मा सरसा सदा ॥ 8 ॥
सवने जय देवेशा, शावेदे यजने वस।
तारता जर वै देवे, वेदे दे रजया रता ॥ 9 ॥
भाशु भास जरा भासा, साभा राज सभा शुभा।
सार राज तथा भाषा, साभा यात जरा रसा ॥ 10 ॥
श्रीमानायकृतः समोऽप्युभयतः श्रीस्स्तोत्रराजोऽधुना,
नाथानां मुदमावहन् विजयते, निर्णीतसारो रसः।
पक्षे दक्षविचारितेऽपि जनयन्नानन्दमन्यार्थदो,
बालानां शरणार्थिनां शरणदो, वर्वर्ति सर्वोपरि ॥ 11 ॥
शिवम्
स्वस्ति श्रीश्रेयः श्रेणायः श्रीमतां समुल्लसन्तु तराम्।
श्री नाथाय नम:।

Please follow and like us: